M'pa't di'w sa ...

M'pat di'w sa

Twòp fyète koud djòl mwen

Mwen renmen'w

Men m'pap di'w sa

Ego'm k'ap pete fyèl mwen

Mwen damou'w

Men m'pap di'w sa

Wi! Mwen egare

Enbesil menm

Chak swa mwen domi reve w’

Men mwen kenbe rèv mwen pou mwen…

Lè'm wèw

Tempo kèm ogmante

Men mwen pito ret pouko'm sou pis la

Gen de echèk

M'pap ka aksepte

Se sa'k fè'm pa eseye

Kounya ou nan ponyèt yon lòt

Mwen m’toujou nan laponyèt

Mwen pa't pataje santiman m’

Se sak fè m'pa't gen okenn chans pataje viw

Twòp fyète koud djòl mwen

Mwen renmen'w

Men m'pat di'w sa

Ego'm kap pete fyèl mwen

Mwen damou'w

Men m'pat di'w sa

Wi! Mwen egare

Enbesil menm

Chak swa mwen domi reve w’

Men ko'm mwen te kenbe rèv mwen pou mwen

Se yon lòt k'ap viv li

                 THEORY